Turizëm
Rritet numri i turistëve nga Kosova në Shqipëri
Shqipëria po përjeton periudhën më të mirë turistike të pas viteve ’90. Të huajt e kanë “pushtuar” atë nga veriu në jug
Të dhënat e INSTAT tregojnë se në korrik 2019, hyrjet e shtetasve të huaj në Shqipëri janë 1.176.810. Krahasuar me korrik 2018, ky numër është rritur me 14,5 %.
Numri i shtetasve të huaj që kanë hyrë në Shqipëri përgjatë shtatë muajve të parë të 2019-ës është 3.313.762, duke u rritur me 12,4 %, në krahasim me të njëjtën periudhë të vitit 2018.
Në korrik 2019, ndër vendet që kanë hyrjet më të larta të shtetasve në Shqipëri, Kosova ka pasur rritjen më të madhe me 25,5 %, ndërsa uljen më të ndjeshme e ka pasur Polonia me 14,6 %, transmeton Monitor.
Polakët në fakt ishin të parët që “zbuluan” Shqipërinë, pasi tre-katër vjet më parë ata erdhën përmes agjencisë ITAKA, që parableu dhomat kryesisht në bregdetin e Durrësit, duke nxitur sipërmarrësit shqiptarë të investonin në shtimin e kapaciteteve, përcjell albinfo.ch.
Sipas INSTAT, në 2018-ën Shqipërinë e vizituan 153 mijë polakë, me rritje 34% në raport me një vit më parë. Por, pas një rritjeje të ndjeshme dyshifrore, në vitin e katërt polakët po shfaqin më pak interes për Shqipërinë. Në korrik, që është kulmi i sezonit, erdhën 37 mijë polakë, nga 43 mijë vitin e mëparshëm.
Turistët nga Kosova mbeten të parët
Ndryshe nga viti i kaluar, kur shtetasit nga Kosova shfaqën pakënaqësitë e tyre në Shqipëri, këtë vit ata janë rikthyer sërish.
Për 7 mujorin hynë në Shqipëri më shumë se 1 milion shtetas nga Kosova, me rritje prej gati 14%. Turistët nga Kosova përbënin 34% të totalit të hyrjeve të vend.
Të dytët janë maqedonasit, në 372 mijë për 7 mujorin, me një rritje të lehtë prej 3.4%. Më pas vazhdojnë grekët (311 mijë), italianët (159 mijë), anglezët (223 mijë), malazezët (216 mijë), polakët (76 mijë).
Të ngjashme
Të tjera nga Turizëm
E-Diaspora
-
Më 7 prill nis edicioni i tretë i panairit të librit shqip në SHBA Në datën 7 prill 2024, Shoqata e Shkrimtarëve Shqiptaro-Amerikanë do të hapë edicionin e tretë...
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
Jeta në Zvicër
-
‘Vallja kosovare’ jehon në Universitetin e Gjenevës (Video) ‘Vallja kosovare’ jehon në Zvicër. Bëhet e ditur se para pak ditësh, studentët shqiptarë vallëzuan me...
-
Iniciativat zvicerane synojnë t’i japin fund diskriminimit të çifteve të martuara
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore