Rritje me hapa gjigantë në ekonominë e Eurozonës

Ekonomia me 19 vende anëtare u rrit, sipas “Eurostat”-it, me 2.5 për qind vitin e shkuar, rritja më e madhe kjo që nga 3 përqindëshi i regjistruar në vitin 2007

Ekonomia e Eurozonës është rritur gjatë vitit 2017 me ritmin më të shpejtë të saj në një dekadë, sipas shifrave zyrtare.

Ekonomia me 19 vende anëtare u rrit, sipas “Eurostat”-it, me 2.5 për qind vitin e shkuar, rritja më e madhe kjo që nga 3 përqindëshi i regjistruar në vitin 2007. “Eurostat” tha po ashtu se Eurozona u rrit me 0.6 për qind në 3 muajt e fundit të 2017-s.

Banka Qendrore Evropiane ka aplikuar një program gjigant stimulimi, në përpjekje për të siguruar rritjen e Eurozonës. Ky program ka bërë që banka të mbajë shkallën e saj të interesit në zero dhe të shpenzojë miliarda euro në muaj, duke blerë asete financiare, raporton “TCH”.

Rritja në Eurozonë ka përshpejtuar ritmet dhe tani shikohet si një nga pjesët më të fuqishme të ekonomisë globale, përcjell albinfo.ch.

Në dhjetor, Banka Qendrore Evropiane publikoi edhe parashikimet e saj të rritjes për Eurozonën, duke parashikuar një rritje prej 2.3 për qind sivjet, shifër kjo më e lartë nga 1.8 përqindëshi i parashikuar më herët.

---