Maqedonia

Rroga mesatare në Maqedoni është 550 euro

Mësohet se në Maqedoni në bazë të statistikave të muajit janar, rroga mesatare neto ka arritur në 33 943 denarë ose 551 euro, ndërsa ajo bruto është 50 387 denarë ose 819 euro, përcjell albinfo.ch.

“Kjo rritje ka ardhur si rezultat i, para së gjithash, rritjes së pagës mesatare mujore neto për të punësuarit në sektorët: Transporti dhe magazinimi (23.4%), Ndërtimtaria (20.9%) dhe Informimi dhe komunikimi (17.3%)”, raportoi Enti Shtetëror i Statistikave.

Enti sqaroi që në krahasim me janarin e vitit të kaluar, rritja është për 13.2 %, ndërsa në krahasim me muajin paraprak është regjistruar ulje te ndërtimtaria (5.1 %), industria përpunuese (5 %) dhe tregtia me shumicë dhe pakicë (3.5 %).

Rroga mesatare më e madhe neto është në sektorin e programimit kompjuterik (91 259 denarë ose 1 483 euro), ndërsa më e vogla në veprimtaritë e sigurisë dhe të hetimit (19 099 denarë ose 310 euro.