Rugova: Mërgimtarët po shndërrohen në “gjysmëfolës të shqipes”

Në kryeqytetin e Kosovës në Prishtinë nesër nis Seminari Ndërkombëtar për Gjuhën, Letërsinë dhe Kulturën Shqiptare, i cili organizohet për studentë e studiues që merren me probleme të gjuhës, të letërsisë e të kulturës shqiptare, por edhe me albanologjinë përgjithësisht. Drejtori i Seminarit Bardh Rugova flet për mosinteresimin shtetëror për investim në departamente të shqipes në universitete botërore.

Ai tek shqetësimet rreth mungesës së investimit në departamentet e shqipes jashtë vendit, ka ngritur edhe shqetësimin për gjuhën shqipe dhe folësit e saj në diasporë, transmeton albinfo.ch.

Sipas tij, në mungesë investimi “mërgimtarët po shndërrohen në gjysmëfolës të shqipes”.

Akademik Rugova theksoi për Kosovapress nevojën që ky seminar të ketë një linjë të veçantë buxhetore, e jo sikurse po ndodh, të mos dihet deri në javën e fundit se cilat aktivitete mund të mbahen ose jo.

---