Rusia u shpall ‘luftë’ rrjeteve sociale

Moska shpall një tjetër luftë, kësaj radhe ndaj rrjeteve sociale, ndërkohë që beteja për marrjen e Kievit është në fazat e saj më të nxehta.

Fushata ushtarake e Putin duket sikur po ngadalëson nga rezistenca më e fortë sesa pritej nga ushtria ukrainase, por edhe nga popullsia lokale tashmë e armatosur, duke i shkaktuar humbje të mëdha ushtrisë ruse. Por, pamjet e shumta amatoriale që dëshmojnë këtë drejtim pothuajse të papritur të luftës, si dhe protestat e shumta kundër luftës në Rusi, po detyron Kremlinin të kufizojë aksesin e mediave sociale, transmeton Cnn, përcjell Albinfo.ch.

Të premten, aksesi në Facebook për shtetasit rusë u kufizua nga autoritetet e Moskës me arsyen se platforma e njohur, që tashmë përmblidhet në kompaninë Meta, kishte censuruar lajmet e agjencive shtetërore ruse, si kanali Zvezda i Ministrisë së Mbrojtjes dhe agjencitë e shtypit Ria Novosti si dhe të tjera.

 

---