Sali Berisha dënohet për shpifje ndaj Edi Ramës

Kryeministri i Shqipërisë, Edi Rama, e ka fituar një tjetër betejë për shpifje, këtë herë ndaj ish-kryeministrit Sali Berisha.

Nga Gjykata bëjnë me dije se Rama e ka fituar çështjen ndaj Sali Berishës, i cili është dënuar nga Gjykata me 5 milionë lekë të vjetra (mbi 4 mijë euro) gjobë për shpifje në vitin 2018, raportojnë mediat e Shqipërisë.

“Vizita e Ramës në Berlin u shoqërua me incidente të ndryshme. Ne Komisionin për Çështje Europiane të Bundestagut u konfrontua me akuza se ai qëndronte pas sulmeve mediatike kundër personit e familjes së kryetarit të Komisionit Gunther Krichbaum. Rama e humbi vetëkontrollin e u çua në këmbë duke bërtitur ‘lie, lie’ (gënjeshtër, gënjeshtër), çka çoi në mbylljen e parakohshme të mbledhjes. Incidenti kulmor ishte bojkoti nga deputetët e Bundestagut të darkës që Rama shtroi në China Club. Arsyet që rrodhën në shtyp ishin superluksi, çmimet si dhe sinjali diplomatik i padëshiruar. Por arsyet reale kane qenë të tjera”, shkruante Berisha.