Samsung prezanton modelin e ri, S21

Foto ilustrim: Keystone (AP Photo/Lee Jin-man)

Në një event online, Samsung prezantoi smartfonin e ri, galaxy S21, me çmime të ulura për rreth 200 dollarë krahasuar me gjeneratën pararendëse të tij.

Aparati S21, me një ekran 6.2 inch, është i disponueshëm për porosi me një cmim fillestar prej 800 dollarësh për klientët amerikanë.

Duhet theksuar se lideri global në fushën e smartfonëve prezantoi edhe S21 Plus me ekran 6.7 inch dhe S21 Ultra, me ekran 6.8 inch. Të gjitha aparatet përdorin rrjetin wireles ultra të shpejtë 5G që po instalohet në gjithë botën.

Ultra S21 vjen me një çmim pak më të lartë, 1200 dollarë kjo edhe për shkak se ai konsiderohet edhe më i avancuari i grupit.

Samsungu flet për përmirësim të procesorit dhe teknologjisë së kamerave, në aparatet që vijnë me një dizajn të ri për smartfonët me sistem android, madje analistët, që kanë mundur t’i shohin në avancë ata, thonë se smartfonët e rinj duken më mirë në jetën reale se sa në foto.

Samsungu ka qenë në krye ose pranë kreut në tregun e smartfonëve vitet e fundit dhe ka shitur rreth 80 milionë aparate në tremujorin e tretë të vitit të shkuar, duke lënë pas kompanitë kineze Huawei dhe Xiaomi dhe atë amerikane, Apple.

LAJME INTERESANTE NGA INTERNETI