Lajme
Scholz flet për të ardhmen e Gjermanisë pa gazin rus
Qeveria gjermane po përgatitet në rast se Rusia ndërpret plotësisht eksportet e naftës, siç ka bërë tashmë me gazin, tha kancelari gjerman, Olaf Scholz për “Deutschlandfunk”.
“Isha i sigurt se nuk mund të mbështeteshim tek Rusia. Ne duhet të përgatitemi për një situatë të ngjashme të vështirë që mund të zhvillohet në dy rafineritë në lindje të Gjermanisë që janë të lidhura me gazsjellësin “Druzhba”.
Gazsjellësi “Druzhba” transporton naftë nga Rusia në pjesë të ndryshme të Evropës Lindore.
Si rrjedhojë, këtë javë qeveria gjermane shpronësoi kompanitë filiale të kompanisë ruse të naftës “Rosneft”, në mënyrë që të mund të merrte përgjegjësinë e rafinerisë “PCK” në qytetin lindor të Schwedt. Rafineria siguron furnizime me karburant në pjesë të mëdha të Gjermanisë verilindore.
Scholz publikoi gjithashtu një video në Twitter, në të cilën ai premtonte investime të mëdha në Schwedt, duke garantuar vende pune.
“Por, prioriteti kryesor është të sigurohet që prodhimi i naftës të mos ndalet”, tha ai.
“Rafineria në Schwedt nuk është e vetmja që mund të përballet me probleme të furnizimit. Një rafineri në Leuna do të përballet gjithashtu me probleme pasi të ndërpriten furnizimet e naftës ruse”, tha Scholz, ndërsa vuri në dukje se pronarët e saj kishin marrë masa duke i siguruar tashmë importet nga Polonia.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Ideja që i bashkon të gjitha partitë politike Një ide ka bashkuar të gjitha partitë në Këshillin e Madh të Gjenevës – nga të...
-
Mori 1000 franga para bankomatit, 75-vjeçarja detyrohet t’i kthejë
-
Fitimet e Bankës Kombëtare të Zvicrës kthehen në nivel rekord
-
Komisioni zviceran kërkon që azilkërkuesit të deportohen në një vend të tretë
-
Mungesa e psikoterapistëve i lë fëmijët zviceranë në krizë