Serena Williams bëhet nënë, lindi vajzë

Ajo ka marrë urime nga yjet e sportit, muzikës, kinemasë dhe fansat e saj nëpër rrjetet sociale

Tenistja numër një në botë, Serena Williams, lindi një vajzë të shëndetshme në një klinikë të Floridas në SHBA.  35-vjeçarja, e cila tash e tri vite është në lidhje me bashkëthemeluesin e Reddit, Alexis Ohanian është bërë nënë për herë të parë ndërsa ishte shtruar në spital të mërkurën dhe ka lindur të premten.

“Jam shumë i lumtur për ty dhe uroj që ta marrësh veten shpejt sepse ti e di…kemi shumë punë përpara që na pret”, ka shkruar  trajneri i tenistes, Patrick Mouratoglou në Twitter-it.

Serena ka marrë urime nga yjet e sportit, muzikës, kinemasë dhe fansat e saj nëpër rrjetet sociale. Ndërsa e para që e ka uruar ka qenë këngëtarja Beyonce e cila ka shkruar në instagram “Urime Serena”, dhe ka postuar një foto te tenistes.

---