Sërish probleme me fluturimet në Londër, shkaku i dronëve

Tri fluturime të reja janë devijuar për shkak të dronëve në aeroportin Gatwick të Londrës.

Fluturimet e EasyJet nga Barcelona dhe Amsterdami u transferuan në Stansted, ashtu sikurse një fluturim i British Airways nga Heraklioni në Greqi.

Të tri fluturimet pastaj u realizuan në Gatwick, më shumë se 90 minuta pas orarit të caktuar të mbërritjes, transmeton KTV, përcjell Albinfo.ch.

Aeroporti Gatwick njoftoi se kishte zbuluar një objekt të dyshimtë.

Këtë vit, autoritetet britanike arrestuan dy persona në lidhje me “përdorimin kriminal të dronëve”, që kanë penguar trafikun ajror në aeroportin Gatwcik të Londrës.