CH-Ballkani
Sërish rritet euro përkundrejt lekut
Monedha e përbashkët europiane u rrit edhe gjatë ditës së sotme përkundrejt lekut. Sipas kursit zyrtar të Bankës së Shqipërisë, një euro është këmbyer sot me 121.11 lekë, me një rritje të lehtë në raport me monedhën vendase.
Ndonëse si pasojë e flukseve sezonale, euro në fillim të këtij muaji shënoi nivelin më të ulët rekord në 12 vjetët e fundit, ekspertët e këmbimit valutor argumentojnë se aktualisht çmimi i këmbimit po reflekton lëvizjet në tregun e lirë.
Aktorët kryesorë në tregun valutor thanë për Monitor se kanë pasur volume të transaksioneve dhe se përveç prurjeve në valutë, njëkohësisht është rritur edhe qarkullimi i lekut në ekonomi.
Një prej faktorëve lidhet me sezonin e pushimeve verore ku pjesa më e madhe e individëve planifikojnë pushimet. Në të njëjtën kohë ka pasur kërkesë në rritje për të këmbyer lekun në valutë nga të gjithë ata individë që kanë planifikuar pushimet jashtë. Sipas ekspertëve këto janë lëvizje normale në tregun e këmbimit valutor.
Edhe monedhat e tjera kanë rikuperuar ndaj lekut vendas. Sipas Bankës së Shqipërisë, dollari amerikan është këmbyer me 108.52 lekë. Edhe paundi britanik fitoi pikë ndaj lekut duke u këmbyer me 131.23, apo rreth 0.5 pikë më shumë se një ditë më parë, shkruan Monitor, përcjell Albinfo.ch.
Të ngjashme
Të tjera nga CH-Ballkani
E-Diaspora
-
Adoleshenti kosovar, i dyshuar për ISIS, e quan veten “Bombarduesi” 15-vjeçari zviceran me prejardhje kurde dhe 16-vjeçari, shtetas italian me rrënjë kosovare, të arrestuar në Schaffhausen,...
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
Jeta në Zvicër
-
Adoleshenti kosovar, i dyshuar për ISIS, e quan veten “Bombarduesi” 15-vjeçari zviceran me prejardhje kurde dhe 16-vjeçari, shtetas italian me rrënjë kosovare, të arrestuar në Schaffhausen,...
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor
-
Barnat e blera jashtë vendit mund të rimbursohen në Zvicër