Futboll
Shaqiri dëshiron kualifikimin në Kupën e Botës
Italia dhe Zvicra përballen të premten mbrëma në Romë
Italia e Zvicra i kanë nga 14 pikë në Grupin C të kualifikimeve evropiane. Kjo është një ndeshje vendimtare për vendin e parë në grup, që siguron kualifikimin në Kupën e Botës 2022, kurse vendi i dytë do të luajë në “Play-off”, përcjell albinfo.ch.
Xherdan Shaqiri, pritet të jetë kapiten në mungesë të Granit Xhakës. “Kjo është ndeshja e vitit për ne dhe do të ishte sensacion të fitonim. Italia është pa dyshim favorite, ka cilësi të jashtëzakonshme dhe ne presim që të jetë një ndeshje e shkëlqyer. Nuk ka asgjë më të mirë se të luash një lojë kaq të madhe me kënaqësi dhe gëzim. Italia është ekip i madh. Por, nëse të gjithë luajmë së bashku përtej kufijve tanë, mund të arrijmë të marrim diçka të bukur nga Italia”, ka theksuar Shaqiri.
Zvicrës shkaku i lëndimit i mungojnë kapiteni Xhaka, Haris Seferoviq, Steven Zuber, Nico Elvedi, Gregor Kobel, Christian Fassnacht dhe Breel Embolo. “Ky është futbolli. Lëndimet janë pjesë e tij, ne duhet të jetojmë me këtë. Ekziston edhe një mundësi që lojtarët e tjerë të tregojnë veten. Italia ka të njëjtin problem si ne. Duhet ta shfrytëzojmë sa më shumë dhe të ndihmojmë lojtarët e rinj. Duhet të bëjmë më të mirën në këto rrethana. Objektivi është të mposhtim Italinë, kështu që ne erdhëm këtu jo për të qëndruar në mbrojtje, por për të sulmuar kundërshtarët tanë me taktikë të përgatitur mirë”, është shprehur Shaqiri.
Ndeshja zhvillohet nga ora 20:45 të premten mbrëma.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Në cilat punë në Zvicër punëtorët e huaj fitojnë më shumë se zviceranët? Në përgjithësi supozohet se të huajt që punojnë në Zvicër kanë paga më të ulëta se...
-
Kaos në tunelin Gotthard: Shoferët sulmojnë aktivistët e klimës (VIDEO)
-
Zvicra po përballet me kritika për mungesën e ndihmës financiare për Ukrainën
-
Komiteti i parlamentit zviceran propozon trefishimin e taksave për studentët e huaj
-
Rrëshqitja e shkëmbinjve në Brienz: A ekziston një kërcënim?