Shaqiri, lojtari i javës në Zvicër

Me një gol dhe tri asistime është shpallur lojtari më i mirë i javës së 33-të

Mediat zvicerane kanë pushtuar ballinat me yllin e futbollit shqiptar, Xherdan Shaqiri.

Ai në ndeshjen e fundit shënoi një gol dhe bëri tri asistime, shkruan albinfo.ch.

Pa dyshim ishte lojtari më i mirë i javës në Superligën Zvicerane për xhiron e 33-të dhe tashmë ka ardhur edhe konfirmimi nga faqja zyrtare e Superligës zvicerane.

Shaqiri në moshën 33 vjeçare po e udhëheq Baselin drejt titullit.

Xherdani ka 14 gola e 17 asistime. Ai po prin te shënuesit dhe asistuesit e Ligës.

---