Lajme
SHBA, në alarm sigurie pas rrjedhjes së dokumenteve sekrete
Qarkullimi i një sasie të madhe dokumentesh sekrete të Departamentit të Mbrojtjes së SHBA-së në disa platforma po shqyrtohet në mënyrë serioze, përfshirë rreziqet e mundshme për sigurinë kombëtare, tha dje në mbrëmje administrata e presidentit Biden.
Dokumentet, të cilat u shfaqën këtë muaj në platformat e medieve sociale si, Twitter dhe Discord, përmbajnë informacione sekrete ushtarake amerikane për Ukrainën, Kinën dhe Lindjen e Mesme, ndër çështje të tjera të ndjeshme.
Departamenti i Mbrojtjes po rishikon çështjen për të përcaktuar çfarëdolloj implikimi të sigurisë kombëtare nga e gjithë kjo, dhe Departamenti i Drejtësisë po udhëheq një hetim penal”, tha zëdhënësi i Këshillit të Sigurisë Kombëtare të Shtëpisë së Bardhë, John Kirby, transmeton dpa, përcjell albinfo.ch.
“Ne po e marrim këtë çështje shumë seriozisht. Nuk ka asnjë justifikim që këto lloj dokumentesh të jenë në domenin publik”, shtoi ai.
Dokumentet e klasifikuara nga agjencitë e shërbimeve sekrete amerikane kanë qarkulluar në internet prej disa javësh, shpesh në kanale pro-ruse, dhe detajet e shërbimeve sekrete rreth luftës në Ukrainë kanë tërhequr një vëmendje të veçantë.
Sipas raporteve të medias amerikane, dokumentet përmbajnë informacion mbi dërgesat e armëve në Ukrainë dhe shqetësimet rreth mungesës së mundshme të municioneve të Kievit.
Ekzistojnë gjithashtu informacione mbi planet e supozuara të NATO-s dhe SHBA-së se si ushtria ukrainase po përgatitet për një ofensivë pranverore për të rimarrë territorin nga Rusia.
Kirby tha se në disa raste dokumentet e postuara në internet ishin ndryshuar nga burimi origjinal i tyre.
Të tjera nga Lajme
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll