Lajme
SHBA nuk ua vazhdon vizat studentëve të huaj nëse mësimet mbahen online
Shtetet e Bashkuara nuk do të japin viza për studentët ndërkombëtarë, nëse mësimi i tyre në vjeshtë zhvendoset online, për shkak të koronavirusit.
Udhëzimi i lëshuar nga Migracioni dhe Doganat e SHBA-së mund t’i ndikojë qindra-mijëra studentë të huaj në SHBA. Kjo pasi ky shtet nuk do të lëshojë viza për studentët e huaj, nëse mësimi në vjeshtë vazhdon online, për shkak të pandemisë COVID-19, shkruan Radio Evropa e Lirë, përcjell albinfo.ch.
“Departamenti amerikan i Shtetit nuk do të lëshojë viza për studentët e regjistruar në shkolla dhe / ose programe që janë plotësisht në internet për semestrin e vjeshtës”, thuhet në udhëzim.
Ndërsa studentët, të cilët aktualisht gjenden në SHBA duhet të largohen nga vendi, përndryshe ndaj tyre mund të ndërmerren masa.
“Studentët aktualisht aktivë në Shtetet e Bashkuara, të regjistruar në programe të tilla, duhet të largohen nga vendi ose të marrin masa të tjera, siç është transferimi në një shkollë me udhëzime për status të ligjshëm. Nëse jo, ata mund të përballen me pasoja të imigracionit, përfshirë inicimin e procedurave të largimit”, thuhet në udhëzim.
Udhëzimi aplikohet për vizat jomigrante studentore F-1 dhe M-1.
Këshilli Amerikan i Arsimit, i cili përfaqëson udhëheqësit e rreth 1,700 institucioneve të arsimit të lartë, e cilësoi udhëzimin e ri si “të tmerrshëm”.
“Ky udhëzim ngre më shumë pyetje sesa përgjigje dhe fatkeqësisht bën më shumë dëm sesa mirë”, tha përmes një deklarate Këshilli Amerikan i Arsimit.
Shumica e kolegjeve dhe universiteteve nuk i kanë bërë ende publike planet për vjeshtë.
Universiteti i Harvardit tha të hënën se do të sjellë deri në 40 për qind të studentëve në kampus, përfshirë të gjithë studentët e vitit të parë, porse të gjitha udhëzimet do të jenë në internet.
Të ngjashme
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën