Lajme

Shefi i task forcës zvicerane, optimist: “Qëllimi i fazës së parë është arritur”

Ackermann: “Është kënaqësi të shohësh se kemi një vlerë R prej 0.78 për të gjithë Zvicrën. Kështu, ne presim që numri i rasteve të përgjysmohet për çdo dy javë”

Martin Ackermann, kreu i task forcës shkencore të Zvicrës për Covid-19, në konferencën e sotme për media ka thënë fjalë trimëruese për uljen e intensiteti të pandemisë.

“Dy javë më parë ne patëm bërë një propozim për qëllimet tona, të ndara në etapa. Ai parashikonte përgjysmimin e numrit të rasteve çdo dy javë”, shkruan srf.ch.

Vlera R (e përhapjes së virusit nga një i sëmurë) mund të përdoret për të llogaritur sa shpejt rritet ose zvogëlohet numri i rasteve. “Është kënaqësi të shohësh se në të vërtetë kemi një vlerë R prej 0.78 për të gjithë Zvicrën. Kështu që ne presim që numri i rasteve të përgjysmohet për rreth çdo dy javë ”, thotë Ackermann, transmeton albinfo.ch.

Në Zvicrën frankofone aktualisht po shënohet rënie më e shpejtë e numrit të rasteve se sa në atë gjermane. Kjo vjen edhe nga fakti se kantonet e Zvicrës perëndimore (frankofone) kishin shpallur masa më të ashpra shtesë, pasi që edhe gjendja kishte qenë më e rëndë.

“Në kantonet e tjera vlera R është ende mbi 0.8 në disa raste, dhe në disa madje po rritet,” vazhdon Ackermann, përcjell albinfo.ch. Por është e rëndësishme që të kemi një lloj jastëku sigurie.

“Moti ka një ndikim në infeksionet. Sa më keq të jetë moti, aq më keq jemi sa u përket infeksioneve të reja “. Kjo duhet përkujtuar në rferim të muajve të ftohtë të dhjetorit dhe janarit që janë në prag, ka thüenë Ackermann.


LAJME INTERESANTE NGA INTERNETI