Shefqet Balaj për të tretën herë radhazi fiton si asamblist në qytetin e Horn-it

Shefqet Balaj ka fituar kandidaturën e tij në zgjedhjet e Austrisë së Ulët si asamblist në qytetin e Horn-it

Më një përvojë të gjatë tashmë në politikën austriake, Shefqet Balaj nga Strellci i Deçanit për të tretën herë është zgjedhur ansamblist në qytetin e Horn-it, shkruan albinfo.at.

Vlen të theksohet se Balaj që nga viti 2014 është  asamblist në këtë qytet, në listën e partisë ÖVP.

“Falenderoj të gjithë votusit që kanë patur besimin e plotë ne mua, i falenderoj këshillin e  qytetit, qytetarët e Hornit, austriakët si dhe votuesit e komuniteteve të tjera që më kanë votuar. Ndërkohë, sa i përketë komunitetet shqiptar, fatkeqësisht edhe kësaj radhe kanë marrë shumë pak pjesë në votime. Nuk kam fjalë si ta shpjegoj, nuk kemi ende kulturë votuese”, është shprehur ai për platformën albinfo.at.

Kujtojmë se rajoni i Austrisë së Ulët mbajti zgjedhjet lokale me 26 janar të këtij viti.

---