Shfaqet ‘kolla e mirë’ në Shqipëri

Tre javët e fundit janë paraqitur 28 raste në urgjencën e pediatrisë

Mes morisë së virozave të shumta dhe alergjive te shumë fëmijë të vegjël është duke qarkulluar infeksioni Pertus në Shqipëri apo siç njihet ndryshe kolla e mirë.

Edhe pse të vaksinuar ndaj këtij infeksioni fëmijët e vegjël kanë manifestuar kollë të zgjatur në kohë madje tre javët e fundit janë paraqitur 28 raste në urgjencën e pediatrisë.

Infeksioni i ‘Pertus’ shfaq simptoma të rënda te fëmijët e vegjël por mund të shkaktojë deri dhe humbje jete, transmeton albinfo.ch.

Vaksina ndaj infeksionit ‘Pertus’ bëhet te fëmijë në moshën dy muaj, 4 muaj dhe 6 muaj e më pas bëhet doze përforcuese në moshën 4-5 vjeçare dhe një tjetër 16 vjeç. Por infeksioni ‘Pertus’ mund të prekë edhe të rriturit, shkruajnë mediat shqiptare, përcjell albinfo.ch.

Infeksioni ‘Pertus’ ka qarkulluar por me raste sporadike, ndryshe nga ky vit ku janë prekur  shumë fëmijë të vaksinuar dhe kanë manifestuar formë të rëndë.

---