Integrimi
Shkolla shqipe në Parma mbyll një vit të suksesshëm
Shkolla shqipe "Scanderbeg Parma" dhe grupi i valleve “Mille Stelle” organizuan mbylljen e vitit shkollor 2018-2019. Gjatë aktivitetit nxënësit e shkollës u prezantuan prindërve, mësuesve e të afërmve punimet e tyre më të mira artistike
Të dielën, për të dhjetin vit radhazi, shkolla shqipe “Scanderbeg Parma” dhe grupi i valleve “Mille Stelle – Mijëra yje” organizuan mbylljen e vitit shkollor 2018-2019. Festa u organizua në një atmosferë dhe ambient festiv të mbushur me punimet artistike të nxënësve tanë gjatë vitit shkollor, një moment shumë i bukur ku bashkohen nxënësit, mësuesit, prindërit, të afërmit dhe vullnetarë të ndryshëm. Ashtu si çdo vit, shkolla dërgon përpara një projekt mbyllje të vitit dhe për këtë rast kishim përgatitur “Konkursin e Diturisë”, thuhet në njoftimin e kësaj shkolle, përcjell albinfo.ch.
Pjesa e parë e takimit:
Nxënësit të ndarë në dy nivele bënë testin e diturisë me shkrim dhe pasi mbaruan, këto teste bashkë me tema të ndryshme të bëra gjatë vitit u bashkë ndanë përpara prindërve mes mësuesve dhe nxënësve, ku nxënësit morën pjesë në mënyrë aktive në përgjigjet. Nxënësit më të mirë do të konkurrojnë javën e ardhshme në konkursin e diturisë që do të mbahet në Asti midis shkollave shqiptare në Itali.
Më pas u bë shpërndarja e dëftesave simbolike të frekuentimit të vitit shkollor nga mësuesit e shkollës.
Mësuesit e shkollë shqipe për vitin 2018-2019 janë:
Aurela Lashi (Cikli i ulët), Beatriçe Ago (Gjuhë shqipe, Cikli i ulët), Benard Basha (Art dhe Pikturë), Erlinda Pjeçi (Cikli i ulët), Elvira Lashi (Muzikë, tradita dhe kostume shqiptare), Elona Marika (Art dhe pikturë), Mimoza Cerri (Letërsi), Sabrije Kulla (Gjuhë shqipe), Zamira Shkurti (Ndihmës mësuese) dhe Durim Lika (Drejtor i shkollës dhe mësues i historisë dhe gjeografisë së trevave shqiptare)
Përfaqësuesit e prindërve: Armado Qose, Petrit Mehdiu dhe Shpresa Qeraj
Pjesa e dytë:
Forumi i gruas së pavarur në Parma, Forum Donne Indipendenti gjatë një ceremonie festive shpërndau dëftesat për grupin artistik “ Mille Stelle – Mijëra Yje” të kursit të valleve etnike. Ky kurs u mbajt nga mësuesja Loreta Shahini çdo të të shtunë. Një pjesë e madhe e nxënësve të këtij grupi janë edhe nxënës të shkollë shqipe.
Në fund nën atmosferën festive të këngëve dhe valleve popullore, me një banket të pasur me ushqime tipike shqiptare të gatuara nga familjet tona, u mbyll ky vit i mrekullueshëm shkollor.
Falënderojmë të gjithë vullnetarët!
Falënderojmë për ambientet e zhvillimit të mësimit Komunën e Parmës dhe përfaqësuesen e Laboratorio Famiglia zonjën Alida Guatri!
Falënderojmë Centro Giovani Esprit për ambientet e shkollës për valltarët e vegjël!
Falënderojmë stafin e Forum Donne Indipendenti për bashkëpunimin e shkëlqyer!
Foto nga Armad Qose dhe Aurela Lashi
Të ngjashme
Të tjera nga Integrimi
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën