Futboll

Shpejtësia e Rashicës tmerron kundërshtarët

E përditshmja gjermane “Bild” i ka kushtuar një shkrim Milot Rashicës, i cili u kthye nga lëndimi dhe shënoi ndaj Dortmundit

Milot Rashica kishte munguar për një muaj te Werder Bremen, megjithatë, u rikthye me gol ndaj Dortmundit.

Ndeshja përfundoi 2:2, derisa Rashica ishte njëri ndër lojtarët më të mirë të mysafirëve në fushë, përcjell albinfo.ch.

“Bild” i ka kushtuar një shkrim, duke treguar si u kthye nga lëndimi shënoi kundër “Milionerëve”.

“Nëse nuk keni luajtur një muaj, atëherë keni nevojë për një apo dy ndeshje të ktheheni në vendin e duhur”, shkruan e përditshmja gjermane.

Werder ka pasur telashe në sulm, por me rikthimin e Rashicës, kjo mund të ndryshojë.

“Duke e konsideruar se Rashica ende nuk është në potencialin e plotë të tij, rastet dhe paraqitja ndaj Dortmundit tregon se ai është lojtar i rëndësishëm për ne”, ka një zyrtar i Werderit.

“Miloti solli diçka në lojën tonë që ne nuk e kishim. Kjo është gjë e mire”, u shpreh Florian Kohfeldt, trajner i Werderit.

Gazeta gjermane “Bild” shkruan se Kohfeldt iu referua me këtë deklaratë shpejtësisë së Rashicës e cila ‘tmerron’ kundërshtarët.