Shqipëria
Shqipëri: U merren 371 patenta shoferëve për një javë
Sipas ekspertëve, heqja e patentave nuk është diçka pozitive
Në një kohë kur viti 2019 u mbyll me 2700 shoferë të arrestuar, e po ashtu me një numër më të lartë të të vdekurve në aksidentet rrugore se 2018, këtë vit policia në vetëm një javë ka pezulluar 371 patenta, e po ashtu ka arrestuar 54 shoferë, një pjesë e tyre në gjendje të dehur, ndërsa pjesa tjetër pa leje drejtimi.
Por si e lexon eksperti i sigurisë rrugore, Gëzim Hoxha, këtë aksion të policisë rrugore:
“Heqja e patentave në mënyrë masive nuk është një gjë pozitive, është negative, sepse tashmë ajo do të krijojë një stres tek qytetarët. Së dyti, ka një dukuri tjetër shumë negative, pasi ajo nuk heq patentën për drejtuesin e mjetit, por është heqja e patentës për gjithë familjes’, ka thënë Gëzim Hoxha.
Eksperti Hoxha po ashtu shton se ndryshimi i Kodit Rrugor ishte i gabuar.
“Mbi 20 km hiqet leja e drejtimit, pra ne duhet t’u afrohemi vendeve të komunitetit europian, p.sh. po marr rastin e Greqisë, që e ka heqjen e lejes së drejtimit mbi 50 km, mbi atë të lejuarën”, shton ai.
Ndërsa për Specialistin e sigurisë rrugore, Fisnik Ziçishti, ky aksion është në rrugën e duhur dhe se duhen shtuar energjitë.
“Duhen shtuar më shumë patrullat dhe duhet toleranca zero për personat që shkelin kodin rrugor. Duhet të shtohet teknologjia. Çdo rrugë duhet të jetë e monitoruar me kamera, me radar, që të mund të evidentohen shkelësit e rrugës”, tha Fisnik Ziçishti.
Por shoferët nuk janë i vetmi problem kur bëhet fjalë për aksidentet. Ziçishti shpjegon:
“Edhe rrugët, si shoferët…ka pika të errëta ku duhet një ndërhyrje shumë e shpejtë nga ministria përkatëse, për t’i eliminuar këto pika të zeza. Pra, është edhe faji i infrastrukturës në këtë mes”.
Së fundmi, policia rrugore e Tiranës, krahas rrugëve që lidhin kryeqendrën me qytete të tjera, ka filluar monitorimin e rrugëve të brendshme, me Radarin TrueCam. Rast ky që përdoret kur shihet se brenda në qytet ka rrezik të shtuar për aksidente.
Të ngjashme
Të tjera nga Shqipëria
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën