Shqipëri: Nis vaksinimi i hapur për moshat mbi 18 vjet

@pixabay

Ka nisur sot në Shqipëri vaksinimi i hapur për moshat mbi 18 vjeç.  Ka dy ditë me radhë të gjithë qytetarët që kanë aplikuar për t’u vaksinuar në portalin e-Albania do të kenë mundësi të imunizohen në një prej pikave të vaksinimit masiv.

Sipas zëvendësministres së Shëndetësisë, Eugena Tomini, janë më shumë se 23 mijë persona të grupmoshës 18-50 vjeç që kanë aplikuar për të marrë një nga vaksinat antiCovid.

Autoritetet shëndetësore bënë të ditur gjithashtu se do të përdoren vaksinat Pfizer, AstraZeneca dhe Coronavac, por qytetarët nuk do të kenë mundësi të zgjedhin një prej tyre.