Shqipëria e 85-ta, Kosova e 98 në raportin “Doing Business”

Banka Botërore publikoi të martën raportin vjetor “Si të bësh biznes” (Doing Business) për vitin 2013

Banka Botërore publikoi të martën raportin vjetor “Si të bësh biznes” (Doing Business) për vitin 2013, ndërsa në ranglistën e vendeve me interes për biznes, Shqipëria ka rënë për dy vende, nga vendi i 83 në 85, ndërsa Kosova është ngritur për 19 vende, nga vendi 117 në vendin 98. Serbia ndërkaq është radhitur në vendin 86.

Ndonëse Shqipëria ka humbur dy vende, bashkautorja e studimit të Bankës Botërore, Tea Trumbiç thotë se vendi ka shënuar përparime në disa tregues të rëndësishëm. Në raporton “Doing Business” Shqipëria është radhitur në vendin e 85 nga 185 vendet e përfshira në klasifikimin e përgjithshëm të raportit “Si të bësh biznes”.

Një nga arsyet kryesore për këtë rënie, sipas BB, janë hapat e shpejtë të ndërmarra nga vendet e tjera në drejtim të reformave. Sipas autores së raportit, për tri vitet e fundit nuk është dhënë asnjë leje ndërtimi në Tiranë. Ndërsa një tregues ku çalon jo vetëm Shqipëria por mbarë rajoni i Ballkanit, sipas Trumbiç, është ai i energjisë.

“Një tregues tjetër ku Shqipëria duhet të bëjë përparim janë pagesat e taksave. Kjo është një fushë ku e dimë se qeveria po punon në mënyrë aktive. Vumë re miratimin e një reforme këtë vit që pakëson disi kohën e pagesës së taksave për shkak të lehtësirave të propozuara për të paguar taksat online”, thotë ajo.

Raporti vjetor i Bankës Botërore “Doing Business” klasifikon vendet sipas 10 treguesve ku përfshihet shpejtësia e regjistrimit të një biznesi, pagesa e taksave, regjistrimi i pronës, tregtia ndërkufitare si dhe zbatimi i kontratave.

Ndërsa ndryshe nga Shqipëria, Kosova ka bërë një ngrije të konsiderueshme në ranglistën e vendeve për të bërë biznes më të kollajshëm. Raporti ““Doing Business” e ngritë Kosvën për 19 vende më lartë, nga venti 117 në vendin e 98.  “Por, ende nuk janë marrë parasysh të gjitha reformat dhe ende kemi shumë punë për të bërë. Sidoqoftë, përfundimisht jemi në numër dyshifror 98”, ka thënë Ministrja e Tregtisë dhe Industrisë, Mimoza Kusari-Lila, citon KP.

Ajo thotë se në raportin e BB-së për vitin 2014, Kosova do të jetë në 40 vende reformatore të Bankës Botërore në indeksin e të bërit biznes. Në këtë raport, Serbia ndodhet vetëm një vend pas Shqipërisë në vendin 86.