Shqipëria, Mali i Zi dhe Serbia përfituan nga fondet e BE-së kundër Covid-19

(KEYSTONE/Ti-Press/Elia Bianchi)

Komisioni Evropian ka përfunduar dhënien e ndihmës financiare për Shqipërinë, Malin e Zi dhe Serbinë, si pjesë e Fondit të Solidaritetit prej 385.5 milionë eurosh, shumë nga e cila kanë përfituar edhe 17 shtete anëtare të BE-së.

Ndër shtetet kandidate që kishin kërkuar mbështetje, Shqipëria dhe Mali i Zi ishin të parat që përfituan, ndërsa për Serbinë ndihma financiare pritet të paguhet së shpejti. Shqipëria ka përfituar nga ky fond 54 milionë e 756 mijë euro. Mali i Zi ka përfituar 15 milionë e 329 mijë euro, ndërsa Serbia 495 milionë e 401 mijë euro.

Tri shtetet i dorëzuan aplikimet në qershor 2020. Në verën e vitit 2021 Komisioni miratoi vendimet zbatuese për dhënien e kontributit financiar.

Këto para janë përdorur për të trajtuar urgjencën shëndetësore të koronavirusit, blerjen dhe administrimin e vaksinave, pajisjeve mjekësore, kostot e kujdesit shëndetësor dhe të analizave laboratorike, shkruajnë mediat shqiptare, përcjell albinfo.ch.

LAJME INTERESANTE NGA INTERNETI