Shqipëria
Shqipëria, vendi i dytë me rritje ekonomike në Ballkan
Në Shqipëri ekonomia u rrit përtej parashikimeve, me 4.8 për qind gjatë vitit 2022. Sipas një raporti të Bankës Botërore, Shqipëria renditet vendi i dytë në Ballkanin Perëndimor sa i përket zhvillimit ekonomik.
Sipas raportit, “ulja e prodhimit të energjisë elektrike nga hidrocentralet, e shkaktuar nga kushtet e pafavorshme atmosferike, rriti nevojën për importe të energjisë dhe kontribuoi negativisht në rritjen ekonomike. Ndërkohë, sektori i shërbimeve u ndikua më pak dhe vijoi zgjerimin duke u rritur me 5.9 për qind në vitin 2022, si rezultat i kërkesës së fortë konsumatore dhe një sezoni të jashtëzakonshëm turistik, shkruan Zëri i Amerikës.
Gjatë të njëjtit vit numri i turistëve u rrit me 27.5 për qind dhe numri i netqëndrimeve me 20 për qind, përcjell albinfo.ch.
Banka Botërore vëren se derisa punësimi në vendet e tjera të Ballkanit vazhdoi të tkurret me 1 për qind ose 72 000 vende pune, në Shqipëri trendi vazhdoi rritjen dhe se vendi ka shkallën më të ulët të papunësisë tek të rinjtë me 21.5 për qind”.
Norma mesatare e inflacionit gjatë vitit 2022 ishte 6.7 për qind, e ndikuar nga çmimet e ushqimeve dhe transportit. Rritje të tilla, sipas Bankës Botërore, “po ndikojnë negativisht tek qytetarët më të varfër, duke pasur parasysh peshën më të madhe që kanë këta artikuj në shportën e tyre të konsumit”.
Për vitin 2023 parashikimet janë për një tkurrje të ritmeve të rritjes ekonomike, e cila pritet të jetë në nivelin e 2.8 për qind.
Mali i Zi u rendit para Shqipërisë me rritjen më të shpejtë ekonomike gjatë vitit 2022, sipas një raporti të publikuar sot nga Banka Botërore mbi ecurinë e ekonomisë në Ballkanin Perëndimor.
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas