Shqipëria
Shtetasit e Shqipërisë do të pajisen me pasaporta digjitale
Qëllimi i këtij projektligji është përmirësimi i mënyrave të identifikimit të qytetarëve si dhe lehtësimi i tyre
Shumë shpejt shqiptarët do të pajisen me pasaporta digjitale.
Qeveria shqiptare po parashikon që në vijim shtetasit shqiptarë në vend të pasaportës dhe letërnjoftimi fizik, të jenë të pajisur me ato digjitale, të cilat mund të mbahen lehtësisht në telefon, transmeton albinfo.ch.
Qëllimi i këtij projektligji është përmirësimi i mënyrave të identifikimit të qytetarëve si dhe lehtësimi i tyre.
Por, përveç benefiteve, kjo risi ka për të shkaktuar edhe debat duke marrë parasysh që përgjatë dy vjetëve të fundit sistemet shqiptare kanë rënë pre e hakerëve.
Kujtojmë se Finlanda ka qenë shteti i parë, i cili po eksperimenton me pasaportat digjitale. Sipas ekspertëve të ndryshëm, kjo risi i lejon udhëtarët që të ruajnë dhe të paraqesin në mënyrë të sigurt kredincialet e tyre përmes telefonave, duke eleminuar kështu nevojën për të mbajtur një dokument fizik.
Kjo nismë startoi më 28 gusht 2023, mes autoriteteve finlandeze dhe operatorëve të aeroportit.
“Në lidhje me ligjin për pasaportat dhe dokumentet biometrike dua të informoj publikun se ka të bëjë me një ndryshim të domosdoshëm në kuadër të zhvillimit të vrullshëm teknologjik. Na duhet që edhe Shqipëria të emetojë sa më parë të jetë e mundur dhe për këtë po bëjmë të gjithë përpjekjet me kompaninë IdentiTek që është ofruesi i vetëm i dokumenteve biometrike identifikuese në Shqipëri, në mënyrë që ligji të na mundësojë edhe prodhimin e dokumenteve dixhitale të identifikimit, e-ID”, deklaroi ministri i Brendshëm i Shqipërisë, Taulant Balla.
Të tjera nga Shqipëria
E-Diaspora
-
Vildane Rexhepi, menaxhere prokurimi në IT-në e bankës UBS Ka mbaruar me sukses studimet për ekonomi në disa universitete të njohura dhe tani menaxhon projektet...
-
Shqipëria, pjesë e paradës së karnavaleve në Berlin
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
Jeta në Zvicër
-
Pritet trafik i rënduar në rrugët e Zvicrës këtë fundjavë Ndërsa shoferë të shumtë po nisen për fundjavën e gjatë të Rrëshajëve, përgatituni për një volum...
-
Vildane Rexhepi, menaxhere prokurimi në IT-në e bankës UBS
-
Alain Berset kaloi një javë pune të frytshme në Shqipëri
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë