Shqiptarët po e braktisin edhe Strugën

Largimi i banorëve vërehet në shkolla, ku nga viti në vit po zvogëlohet numri i nxënësve

Edhe një vend mjaft i bukur në Maqedoni, siç është Struga po braktiset nga banorët, që zgjedhin rrugën e emigrimit.

Largimi i banorëve vërehet në shkolla, ku nga viti në vit po zvogëlohet numri i nxënësve.

Kështu ka ndodhur edhe në shkollën e mesme “Ibraim Temo”. Këtë vit janë regjistruar 50 nxënës më pak nga numri i atyre që kanë përfunduar maturën, prej të cilëve 30 shqiptarë, 19 maqedonas dhe një turk. Për dy vite numri i nxënësve është zvogëluar në 150, raporton ‘Alsat’.

Kjo po ndodh për shkak se banorët po emigrojnë nga ky vend. Edhe në Shkollën e Mesme Profesionale “Niko Nestor” vërehet dukuria e largimit, përcjell albinfo.ch.

Numri i nxënësve shqiptar në këtë shkollë të regjistruar këtë vit është më i vogël se numri i maqedonasve, gjegjësisht proporcioni është 177 me 214 nxënës.

Por, ekziston rreziku që numri i nxënësve të zvogëlohet edhe më shumë.