LIFESTYLE

Shqiptari, pjesë e serisë “The many Saints of Newark”

Marko Caka është një ndër shqiptarët që është paraqitur në disa filma hollivudianë.

Aktori këto ditë ka marrë konfirmimin se do të jetë pjesë e një filmi të produksionit ‘Warner Brothers Pictures’.

Filmi “The many Saints of Newark” flet për jetën e Toni Sopranos të ri, i cili është vazhdimin i serisë së famshme të viteve 2000 “The Sopranos”, ku luante i ndjeri James Gandolfini.

Shkodrani ka pohuar për Telegrafin se ndihet i privilegjuar që do të paraqitet në këtë film të regjisorit Alan Taylorc, shkruan telegrafi, përcjell albinfo.ch.

“Ndjehem i privilegjuar që jam përzgjedhur nga i njëjti regjisor i serive legjendare, “The Sopranos”, “Boardwalk Empire” dhe “Games Of Thrones”, Alan Taylor në rolin anëtarit te gangsterëve italianë të New Jersey”, ka pohuar ai.

Shkodrani më tutje ka treguar se xhirimet e skenave filmike ku do të paraqitet ai do të fillojnë në muajin maj.

Ndryshe, roli i Toni Sopranos junior do të luhet nga i biri tij, Michael Gandolfini.