Shqiptarja fituese e “Miss Connecticut Teen USA 2020”

Ajo do të drejtojë një forum virtual mbi çështjen e trafikimit të qenieve njerëzore

Samantha Sarelli

Është bërë e ditur se vajza shqiptaro-amerikane Samantha Sarelli, fituese e “Miss Connecticut Teen USA 2020”, do të drejtojë një forum virtual mbi çështjen e trafikimit të qenieve njerëzore, transmeton albinfo.ch,

Sipas informacioneve, thuhet se ky event do të organizohet në bashkëpunim me OKB-në në kuadër të Ditës Botërore Kundër Trafikimit të Qenieve Njerëzore. Samantha është gjithashtu aktive në mediat sociale me një seri videosh për rritjen e ndërgjegjësimit mbi këtë çështje: “Human Trafficking: Victims Without Voices”.

Synimi është që të rritet ndërgjegjia e opinionit publik për këtë problem të vazhdueshëm. Samantha do ta drejtojë forumin ku do të flasin disa ekspertë të kësaj fushe. Ajo ka edhe një seri videosh në platformat e saj të medias sociale “Trafiku njerëzor: Viktima të heshtura” (Human Trafficking: Victims Without Voices).

Po ashtu duhet theksuar se Samantha Sarelli studjon në Trinity College dhe synon të diplomohet në Ekonomi dhe Shkenca Politike, Më pas, synon të shkojë në Yale për të studjuar drejtësi.

LAJME INTERESANTE NGA INTERNETI