Bota
Shtetasi gjerman ndërron jetë pas tre vjetësh në koma, u helmua nga kolegu
Një gjykatë gjermane urdhëroi autopsinë e një njeriu që vdiq më shumë se tre vjet pasi hëngri sanduiçe të helmuara nga një koleg pune dhe ra në një gjendje kome
26-vjeçari u helmua në fund të verës 2016, pasi u kthye nga puna në një fabrikë valvulash në qytetin perëndimor Schloss Holte-Stukenbrock, në jug të Bielefeldit, ku kishte ngrënë sanduiçe të spërkatura me një pluhur helmues që përmbante plumb, merkur dhe komponime kadmiumi nga kolegu Klaus O., përcjell albinfo.ch.
Ai pësoi dëme të pariparueshme të trurit nga substancat, shkruan The Local.
Pas vdekjes së viktimës, “gjykata vendosi me kërkesë të prokurorëve që trupi i të ndjerit duhet të autopsohej” në rast të një procesi të ri ligjor, tha zëdhënësi i gjykatës shtetërore Bielefeld, Guiskard Eisenberg për AFP.
Në mars të vitit të kaluar gjykata dënoi me burgim të përjetshëm autorin e atëhershëm 57-vjeçar Klaus O. për tentativë vrasjeje.
Ai u kap me duar të kuqe në vitin 2018 duke provuar të helmonte kolegët e tjerë, përcjell tutje albinfo.ch.
Punëtorët në fabrikë pësuan dëme të mëdha në veshkë, duke bërë që gjykatësit të dënojnë Klaus O. edhe për dëmtime serioze dhe të rrezikshme trupore.
Një psikolog i tha gjykatës se “në deklaratat e tij për motivin e tij, ai dukej si një shkencëtar që testonte substanca në një lepur”, njoftuan mediat gjermane në kohën e gjyqit.
Autori i krimit ka apeluar dënimin e tij në gjykatën e lartë të Gjermanisë.
Gjykata Federale tani mund të hedhë poshtë ose të lejojë ankesën e tij, ose të rrëzojë dënimin origjinal – duke lejuar një dënim të ri të mundshëm për vrasje ose një formë tjetër pas vdekjes së viktimës, tha zëdhënësi Eisenberg.
Sidoqoftë, duke pasur parasysh ashpërsinë e dënimit origjinal dhe një ndalim të përgjithshëm për një dënim më të lartë që vjen si rezultat i ankimit, nuk ka shanse për një ndëshkim më të ashpër për helmuesin, shtoi ai.
E-Diaspora
-
Kurti sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Zvicër
-
I akuzuari për tregti me drogë: “Jam eksploatuar nga bosi im në Shqipëri” Në Zvicër ai vuri re se paga mujore e premtuar prej 3000 frangash ishte qesharake, duke...
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in
-
Cili qytet në Zvicër ka më shumë gjasa të presë Eurovision 2025?