Shteti ballkanik fillon me masa lehtësuese

Numri i shteteve evropiane që ka filluar me masa lehtësuese po rritet

Shumë shtete evropiane kanë filluar me masa lehtësuese, pas bllokimit total, për shkak të pandemisë Covid-19.

Së fundi edhe Kroacia ka raportuar se, do të fillojë lehtësimin e masave kundër COVID-19 gjatë tre javëve të ardhshme duke filluar nga e hëna.

Kështu deklaroi kryeministri kroat, Andrej Plenkoviq, përcjell albinfo.ch.

“Për fat të mirë, situata në Kroaci nuk është aq dramatike sa në disa vende të tjera, Në fakt, mund të themi se situata është nën kontroll”, theksoi ai pas një takimi me kabinetin.

Nga e hëna do të rihapen dyqanet dhe shërbime të tjera si rrobaqepësitë, agjencitë turistike, galeritë dhe muzetë.

Disa atletë dhe ekipe të nivelit të lartë do të lejohen të kthehen në stërvitje individuale.

Gjithashtu do të rinisë transporti publik tokësor dhe detar.

---