Shkurt.ch
Sigurimi i Invaliditetit, me 65 milionë franga humbje
Të hyrat që IV i ka realizuar gjatë vitit 2018 kanë qenë 9.2 miliardë franga ndërsa të dalat (shpenzimet) 9.3 miliardë franga
Sigurimi i Invaliditetit (IV) vitin e kaluar e ka përmbyllur me një deficit prej 65 milionë frangash. Kjo ka ndodhur pas disa vjetësh me radhë që IV kishte realizuar fitim. Shkak për këtë deficit është bërë rezultati negativ që kanë shënuar aksionet e investuara nga sigurimi në fjalë, bën të ditur Zyra Federale për Sigurime Sociale (BSV), shkruan srf.ch.
Kështu, të hyrat që IV i ka realizuar gjatë vitit 2018 kanë qenë 9.2 miliardë franga, ndërsa të dalat (shpenzimet) 9.3 miliardë franga, transmeton albinfo.ch. Një shkak tjetër për deficitin e përmendur ka qenë edhe fakti se në vitin 2017 kishte mbaruar financimi plotësues prej 1 miliard frangash, i ndarë nga Tatimi mbi Vlerën e Shtuar, të cilin IV e merrte për çdo vit.
Në vitin 2010, para fillimit të fnancimit të përmendur plotësues të IV, deficiti vjetor i këtij sigurimi ishte shumë më i madh, rreth 1 miliard franga. Kështu, në atë kohë IV i kishte pasur AHV-së rreth 15 miliardë franga borxh.
Borxhi aktual të cilin IV ia ka AHV-së, në fund të vitit 2018 ka arritur në 10.3 miliardë franga.
Në vitin 2018 IV ka paguar 248.000 pensione të invaliditetit, ose 1000 më pak se në vitin paraprak.
Në përgjithësi gjatë vitit 2018 në Zvicër nga IV kanë përfituar 433 mijë veta, përcjell albinfo.ch. Në këtë numër, përveç shfrytëzuesve të pensioneve, hyjnë edhe kontributet për masat e integrimit dhe kompensimet për personat pa mjete për jetesë.
Të ngjashme
Të tjera nga Shkurt.ch
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën