S’ka më modele të holla në sfilata

LVMH dhe Kering, dy nga brendet më të mëdha të modës në botë, kanë shprehur kritikat ndaj kësaj industrie

Shtëpitë e modës prapa brendeve të njohura përfshirë Christian Diorin dhe Guccin kanë thënë se do të ndalen që të përdorin modelet nënpeshë për sfilita.

LVMH dhe Kering, dy nga brendet më të mëdha të modës në botë, kanë shprehur kritikat ndaj kësaj industrie.

Kompanitë po ashtu nuk do të përdorin as modele nën moshën 16-vjeçare për rroba për të rriturit, përcjell Albinfo.ch.

Pronari i Keringut, Francois-Henri Pinault, ka thënë se firma po shpreson që “të inspirojë të gjithë industrinë”.

Dy kompanitë franceze përfshijnë brendet Givenchy, Yves Saint Laurent, Alexander McQueen, Marc Jacobs, Thomas Pink, Fendi dhe Stella McCartney. Një nga brendet e LVMH-së është Louis Vitton, që ishte kritikuar nga një modele në maj për trajtimin ndaj saj. Modelja daneze Ulrikke Hoyer kishte thënë se ishte urdhëruar që të mos ushqehej për të sfiduar. Kompania kishte mohuar këtë akuzë.

Në Francë, në muajin maj kishte hyrë në fuqi një model që përjashton modelet shumë të holla. Kompanitë që thyejnë ligjin mund të dënohen deri në 75 mijë euro, apo të burgosen.

---