“Solidariteti Zviceran” mbledh mbi 8 milionë franga për fëmijët në nevojë

@pixabay

Shoqata humanitare bamirëse Swiss Solidarity ka mbledhur 8 milionë CHF, si pjesë e një përpjekjeje për mbledhjen e fondeve për fëmijët në nevojë, brenda dhe jashtë vendit. Shuma e mbledhur ishte dyfishuar që nga fillimi i një dite speciale solidariteti më 17 dhjetor 2021, tha organizata në një deklaratë të hënën, shkruan albinfo.ch.

Paratë do të përdoren për financimin e projekteve për mbrojtjen dhe edukimin e fëmijëve në Zvicër dhe jashtë saj. Drejtoresha e re e Swiss Solidarity, Miren Bengoa, tha se ajo ishte “shumë e impresionuar nga solidariteti i madh dhe shuma e dhuruar që rritej vazhdimisht”.

Popullsia zvicerane “ndan bindjen tonë se të ndihmosh fëmijët dhe të rinjtë është një investim në të ardhmen”, tha ajo.

Paratë do të përdoren për financimin e projekteve të kryera nga 24 organizata partnere zvicerane jashtë vendit, përcjell tutje albinfo.ch.

LAJME INTERESANTE NGA INTERNETI