Sot do të varroset Adem Demaçi

Nën përcjelljen e shumë qytetarëve, Adem Demaçi do të varroset me nderime të larta shtetërore.

Adem Demaçi përcillet nga sheshi “Skënderbeu” deri tek Varrezat e Dëshmorëve të Prishtinës në Velani.

Veprimtari i shquar shqiptar, Adem Demaçi ka vdekur dy ditë më parë.

Për nderë të jetës dhe veprave të tij, Demaçi u përkujtua nga shumë personalitete të shquara shqiptare dhe jo shqiptare.

Për vdekjen e Demaçit, Kosova po mban tre ditë zie.

Për nderë të tij u mbajt edhe ceremoni komemorative, shkruan Albinfo.ch.

Gjatë ditës së sotme arkivoli me trupin e Adem Demaçit, do të niset nga Sheshi ‘Skënderbeu’ dhe do të lëvizë në itinerarin e caktuar deri tek Varrezat e Dëshmorëve ku do të varroset kolosi Demaçi.

Ai do të varroset në orën 12:00 me nderime të larta shtetërore.