Spanja po gjurmon vatrat e infeksionit nga ujërat e zeza

Spanja po vazhdon të ballafaqohet me rritje të numrin të rasteve me Covid-19.

Po ajo që ka befasuar më shumë është një metodë e rë që po përdor ky shtet për identifikimin e vatrave të infeksionit.

Në qytetin e Valencias, një ekip inxhinierësh dhe shkencëtarësh po hyjnë në rrjetin e kanalizimeve në një përpjekje për të zbuluar se ku mund të shfaqen shpërthimet e reja të Covid.

Ata kanë thënë se është vërtetuar që virusi sekretohet nga njerëzit në ditët e para të infektimit, prandaj në këtë mënyrë ata mund ta parandalojnë përhapjen e tij, duke identifikuar rastet akoma pa filluar simptomat.

“Ne po përpiqemi që të gjurmojmë virusin Sars-Cov 2 në ujërat në vend, i cili është shkaktar i koronavirusit. Virusi është sekretuar nga njerëzit që ditën e parë të infektimit. Kështu ne jemi në gjendje të zbulojmë virusin 7 ditë para se të shfaqen simptomat e para”, deklaruan specialistët, përcjell albinfo.ch.

Autoritetet spanjolle kanë bërë me dije se rreth 15 mijë raste të reja janë raportuar gjatë javës së kaluar.

LAJME INTERESANTE NGA INTERNETI