Lajme
Specat e Kosovës, në tregun e BE-së
Nga Xërxa e Rahovecit nisen 3 maune në javë me speca për në vendet e BE-së.
Shitjet janë rritur, thotë Edon Rexhepi, i cili është menaxher në këtë qendër grumbulluese. Sipas tij, diaspora kosovare e ka rritur kërkesën, raporton koha, përcjell Albinfo.ch.
Ky vit, sipas tij, ka qenë më i mirë se vitet e kaluara për eksportin e specave. Ai pret shitje të mëdha në tregun ndërkombëtar.
Jo shumë larg nga qendra grumbulluese, shitet speci që vjen nga prodhimi i brendshëm. Sipas tregtarëve të gjithë janë nga Kosova.
Megjithatë, kjo nuk vlen për tregun e Fushë-Kosovës, ku ka edhe speca të importuar.
Sidoqoftë, sipas tregtarit Osman Fejza, pozitën dominuese e mban speci vendor në kohën kur vjelja është në kulm.
Sipas Fejzës, vendi është i përshtatshëm për kultivim dhe mund të nxirren fitime të mira nga kjo kulturë.
Vendet e rajonit sipas zëdhënësit të Doganës, Adriatik Stavilecit, janë dominuese me këtë produkt në Kosovë.
Sipas Ministrisë së Bujqësisë, deri më 4 shtator janë pranuar aplikime për 1,586 hektarë të fermerëve për kulturën e specit. Përfituesit pritet të marrin nga 300 euro për hektar nëse i kultivojnë në fushë të hapur dhe nga 400 për ata në serra.
Kosova njihet si vend i specit. Por, gjatë këtij viti vendi e ka plotësuar kërkesën për këtë produkt vetëm për muajt korrik dhe gusht, ku vërehet edhe rënia e importit.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
“Qeveria kantonale duhet të sjellë Eurovisionin në Cyrih” Kwshilltarja kantonale e GLP-sw, Chantal Galladé dëshiron të dijë nga qeveria kantonale se si është e...
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta
-
Zvicra ‘shtyn’ ukrainasit të punojnë më shumë
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet