Lajme

Spitalet universitare të Zvicrës, shpëtimtare gjatë pandemisë

Në një konferencë shtypi në Bern, krerët e pesë spitaleve universitare të Zvicrës (në Cyrih, Gjenevë, Bazel, Bern dhe Lozanë), folën për pjesën kryesore të mjediseve të tyre shëndetësore që luajtën gjatë shpërthimit të koronavirusit në 2020, transmeton albinfo.ch.

Megjithëse të pesë kishin arritur kufijtë e burimeve të tyre, njerëzore dhe financiare, ata kishin një rol kryesor në mbajtjen nën kontroll të pandemisë.

“Pa spitalet universitare dhe njohuritë e tyre, veçanërisht për pacientët që kërkojnë kujdes intensiv, pandemia nuk do të ishte e menaxhueshme”, thanë drejtuesit e pesë spitaleve.

“Spitalet tona shpëtuan jetë gjatë krizës kur nuk kishte mundësi të tjera”, vuri në dukje Bertrand Levrat, drejtori i spitaleve universitare të Gjenevës (HUG).


LAJME INTERESANTE NGA INTERNETI