Sportistja lë Kosovën për t’u shpërngulur në Zvicër

Pas luftës në Kosovë shumë qytetarë janë largua drejt Zvicrës, e ndër ta nuk kanë munguar edhe sportistët, duke kërkuar kushte më të mira, shkruan albinfo.ch.

Madje, edhe sportistë shumë të dalluar janë larguar nga Kosova. E fundit që ka njoftuar largimin është Arlinda Krasniqi. Ajo ka lënë Istogun për të shkuar në Zvicër.

“Njëra ndër hendbollistet më të mira që ka pasur klubi deri më tani nuk është me pjesë e klubit të hendbollit Istogu, tri herë radhazi pivotmenja më e mirë e Kosovës ka vendosur që jetën ta vazhdojë në Zvicër, ku pritet të jetojë në të ardhmen. Krasiniqi ka dhënë kontribut të jashtëzakonshëm për KHF Istogun dhe është ndër hendbollistet më meritore për rezultatet e klubit.

KHF Istogu i dëshiron të gjitha të mirat hendbollistes sonë Arlinda Krasniqi, duke e falënderuar dhe duke qenë mirënjohës për kontributin e saj për klubin dhe qytetin e Istogut”, thuhet në njoftimin e Istogut.

Arsyet besohet se janë familjare.