Lajme
Studenti kosovar përplaset me Vuk Jeremiqin në Vjenë
Flamur Lladrovci student i shkencave politike në Universitetin e Vjenës është përplasur të martën në një diskutim publik me politikanin dhe diplomatin serb, Vuk Jeremiq
I ftuar nga Akademia Diplomatike e Vjenës mbi temën “Roli Gjeopolitik i Ballkanit“, politikani serb, Vuk Jeremiq, më shumë kishte folur rreth rolit të Serbisë dhe pavarësisë, sipas tij, jolegjitime të Kosovës, sesa për temën për të cilën ishte i ftuar. Duke qenë se ishte një diskutim i hapur, në këtë takim kishte marrë pjesë edhe studenti Flamur Lladrovci nga Gllanasella e Drenasit. Në një prononcim për albinfo.at, Lladrovci tregon se si ka ndodhur e gjithë ngjarja.
“Meqë ishte një diskutim i hapur edhe për publikun, dhe nga kureshtja se çfarë mund të flasë një politikan serb si Vuk Jeremiq, isha kureshtar të jem i pranishëm. Së bashku me një shok timin vendosëm të marrim pjesë në këtë diskutim të organizuar nga Akademia Diplomatike e Vjenës”, thotë Flamuri për albinfo.at.
“Gjatë tërë fjalimit të tij, ai (Jeremiq) përdorte fakte të rrejshme dhe thoshte që Pavarësia e Kosovës, sipas tij, nuk ka qenë legjitime”.
I riu kosovar tregon se në temën e parë ku është ballafaquar me diplomatin serb, ka pasur të bëjë me numrin e shteteve që e kanë njohur mëvetësinë e shtetit më të ri në Evropë.
“Ka thënë se aktualisht janë më pak se 100 shtete që e njohin Kosovën, pasi që sipas tij, shumë prej tyre i kanë tërhequr njohjet”.
Sipas Lladrovcit, Jeremiq ka thënë se Albin Kurti dhe Qeveria e Kosovës nuk tregojnë nëpër media se në çfarë kushtesh jeton minoriteti serb në Kosovë, gjë për të cilin e ka kundërshtuar studenti kosovar. “Unë e pyeta se ‘pse ju nuk flisni për minoritetin shqiptar që jeton në Serbi’? Pastaj i mora si shembull përmendoret e dëshmorëve në Luginën e Preshevës dhe e pyeta se ‘pse janë hequr përmendoret e heronjve të shqiptarëve?’, shpjegon Lladrovci për debatin me politikanin serb.
Studenti kosovar tregoi se si Jeremiqi, në ligjërimin e tij ka theksuar se Serbia e ka identitetin e saj kombëtar që përbëhet nga gjuha, feja dhe alfabeti.
“Këtu unë e pyeta se ‘çfarë përfiton Kosova nga të qenit pjesë e Serbisë, kur nuk e ka të njëjtë as gjuhën, as alfabetin dhe as fenë?”
“Jeremiqi në fakt nuk u përgjigj tamam në pyetjet e mia. Ai insistoi duke thënë se aktualisht janë më pak se 100 shtete që e kanë njohur Kosovën. Sa u përket minoriteteve, ai nuk u përgjigj për minoritetin shqiptar, por tha se komuniteti hungarez qëndron shumë mirë në Serbi, pasi që sipas tij, janë edhe në Qeveri. Ndërsa në pyetjen se çka përfiton Kosova nëse është pjesë e Serbisë, ai nuk u përgjigj fare”, potencoi Flamur Lladrovci.
Ndryshe, Vuk Jeremiq ka shërbyer si president i Asamblesë së Përgjithshme të Kombeve të Bashkuara nga viti 2012 deri më 2013 dhe si ministër i Punëve të Jashtme të Serbisë nga 2007 deri më 2012.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla