Shqipëria

Studim: 38 persona largohen në ditë nga Shqipëra

Organizata e Kombeve të Bashkuara ka bërë një studim sipas të cilës, 38 persona largohen në një ditë nga Shqipëria

Mesatarish emigracioni neto në një muaj është 1140 persona që largohen, sipas këtyre të dhënave.

Nga 1 janari deri me 4 tetor 2019 popullsia e Shqipërisë është pakësuar me 2500 persona sipas projeksioneve të Zyrës së Kombeve të Bashkuara “World Population Review”.

Emigracioni është shkaku kryesor i pakësimit të popullsisë, teksa vendi edhe gjatë kësaj periudhe mësohet të ketë pasur shtesë natyrore pozitive këtë vit.

Sipas Zyrës së Kombeve të Bashkuara gjatë vitit 2019 në Shqipëri kanë lindur 92 foshnja në ditë, teksa kanë vdekur 63 persona në ditë.

Numri i vdekjeve dhe emigracionit neto kalon numrin e lindjeve, duke bërë që popullsia e vendit të ketë një rënie në terma të përgjithshëm. Sipas të dhënave të Kombeve të bashkuara Shqipëria u pakësua më 9 persona në ditë gjatë vitit 2019.