Kosova
Sulmohet deputeti Slobodan Petroviq
Deputeti i Kuvendit të Kosovës, Slobodan Petroviq, është sulmuar sot në afërsi të ndërtesës së Kuvendit të Kosovës.
Këtë e ka konfirmuar vetë Petroviq gjatë një konference për media.
“Jam sulmuar fizikisht afër kësaj ndërtese, pasi që edhe ju e dini se muajve të fundit, personalisht ditëve të fundit, ndaj meje dhe partisë që unë e udhëheq është bërë një fushatë e egër”, ka thënë Petroviq.
Ai ka shtuar se personi i cili e sulmoi është Milan Kostiq, këshilltar i ish-ministrit të Bujqësisë, Nenad Rikallo.
“Në mëngjes isha mysafir në programin e mëngjesit në RTK, aty i kam paraqitur disa të dhëna me ish-ministrin e Bujqësisë, Nenad Rikallo. Pastaj kam hyrë në një restorant këtu afër Kuvendit për të pirë kafe me disa miq, dhe personi që më sulmoi ishte këshilltari i Rikallos, Milan Kostiq, i cili për ne të gjithë nga komuniteti serb është i njohur për të keq, pasi që i njëjti në mënyrë të pandërprerë disa vjet me radhë në çdo mënyrë është munduar të më deskriditojë mua dhe partinë që unë e udhëheq, duke shkruar tekste të rrejshme, dhe kjo nuk i mjaftoi, i njëjti i ka kërcënuar edhe njerëzit sidomos në zgjedhjet e fundit, të cilët kanë votuar me Partinë Liberale serbe”, u shpreh Petroviq, ku tregoi se Kostiq i kishte thënë se “do ta thyej kokën”, përderisa mbante në dorë një shishe të qelqit.
Petroviq tha se ky sulm nuk është i rastit dhe se ata nuk mund ta frikësojnë, shkruan telegraf, përcjell albinfo.ch.
“Kjo nuk është e rastit, dhe ato mendime që i kam thënë edhe publikisht, mund të më sulmojnë edhe fizikisht, edhe të më vrasin, por unë nuk frikësohem”, tha Petroviq, i cili tregoi se për këtë gjë ka njoftuar edhe Policinë e Kosovës.
Ai tha se ka lutur presidentin Vuçiq që të ndërpresë çfarëdo deklarate për të dhe të verifikojë faktet, pasi po flet vetëm me burimet e shërbimeve që i ka.
“Me atë shpresë i kam argumentuar se të gjitha ato janë vetëm mashtrime. Pas asaj letre kryetari i Serbisë nuk është paraqitur apo dëgjuar më, por ka pasur veprime nga Lista Serbe, që janë udhëhequr nga drejtori i Zyrës serbe për Kosovën, Gjuriq dhe të gjitha janë të pavërteta”, u shpreh Petroviq.
Ndërkohë në një reagim të Listës serbe pretendohet se është pikërisht Milano Kostiq ai që është sulmuar nga ana e Slobodan Petroviqit.
Kështu, siç thuhet ndër tjera, Lista serbe ka kërkuar që “policia dhe prokurorët të marrin të gjitha veprimet e nevojshme që Slobodan Petroviq dhe Boban Stankoviq të ndiqen dhe të dënohen, sepse kjo sjellje është absolutisht e papranueshme”.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?