Kosova
Sveçla: Jankoviq është dërguar në paraburgim për “prishje të rendit kushtetues të Serbisë”
![](https://www.albinfo.ch/wp-content/uploads/2023/12/xhelal-sveclaa-587x329.png)
Ministri i Punëve të Brendshme, Xhelal Sveçla, ka deklaruar se zëvendësdrejtori i Policisë së Kosovës, Dejan Jankoviq, është dërguar për 48 orë në paraburgim në Serbi, për veprën “prishje e rendit kushtetues”, përcjell albinfo.ch.
Ai këtë e ka bërë të ditur në një konferencë për media, bashkë me kryeministrin Albin Kurti.
“Sipas informatave që kam marrë nga Policia e Kosovës, janë ndaluar 10 pjesëtarë të policisë, 5 janë liruar mbrëmë e 4 sot. Zëvendësdrejtori Dejan Jankoviq vazhdon të jetë i arrestuar. Ai është dërguar dje në Rashkë, metodë e përsëritshme kjo nga autoritetet e Serbisë… Sipas informatave që kam, ai është dërguar në paraburgim për 48 orë, me akuzën për ‘prishje të rendit Kushtetues’. Akuzë të cilën vetë presidenti Aleksandar Vuçiq e përmendi në adresimin e tij gjatë vizitës në njësitin ‘Kobra’”, ka thënë Sveçla. “Fakti se zv. drejtori i përgjithshëm i Policisë së Kosovës është arrestuar dhe transferuar në Rashkë, duhet të jetë alarm për të gjithë. Nuk është vetëm abuzim i rëndë nga ana e Serbisë, por Vuçiq me arrestimin e mbajtjen e Jankoviqit synon të dërgojë mesazh të qartë të frikësimit për serbët e Kosovës që janë integruar apo donin të integroheshin në Policinë e Kosovës”.
Sveçla ka thënë se bazuar në informata, ka edhe qytetarë tjerë të arrestuar. Ai ka bërë thirrje për lirimin e menjëhershëm të të gjithëve.
Po ashtu i ka bërë thirrje bashkësisë ndërkombëtare që ta ndëshkojë këtë veprim të Serbisë. Sveçla ka thënë se sipas informatave, janë ndaluar në total 1498 qytetarë, e të cilët janë maltretuar e janë marrë në pyetje lidhur me të kaluarën e tyre, lidhjet e tyre me Ushtrinë Çlirimtare të Kosovës, nëse kanë pasur familjarë në UÇK. Ka thënë se me orë të tëra janë lënë qytetarët pa ushqim, barna e ilaçe.
“Ngjarjet dje nuk janë thjesht çështje e lirisë së lëvizjes dhe shkelje e marrëveshjeve, sepse ato ndodhin në vazhdimësi. Janë shkelje e të drejtave të njeriut, dhe përbën kërcënim të madh për sigurinë e stabilitetin e rajonit. Ndalimi i bazuar në origjinë etnike kombëtare përbën kërcënim të madh për siguri e stabilitet në rajon”, tha Sveçla.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n