Kosova
IKSHP këshillon për mbrojtje nga temperaturat e larta
Gjatë ditëve të fundit në Kosovë kanë mbretëruar temperatura të larta.

Instituti Kombëtar i Shëndetit Publik ka dhënë disa këshilla që duhet aplikuar gjatë ditëve të nxehta, përcjell albinfo.ch.
Ato janë:
Personat e moshuar asesi nuk duhet të ekspozohen në rrezet e diellit në intervalin kohor prej orës 10.00-17.00 , sidomos jo të moshuarit me sëmundje të zemrës ose ata me diabet;
Gjatë daljes nga shtëpia të moshuarit detyrimisht duhet ta mbrojnë kokën me kapelë ose shall; rrobat duhet të jenë të holla, komode, prej liri ose pambuku dhe me ngjyra të çelta;
Është e domosdoshme marrja e 2 litrave lëngje gjatë ditës, qoftë si 8 gota ujë ose në formë supe ose qaji; po ashtu duhet anashkaluar ushqimin e fërguar, shumë të njelmët ose të ëmbël ose me mëlmesa të shumta, ndërsa duhet marrë shumë pemë dhe perime sezonale;
Përveç këshillave të marra nga mjeku për përdorimin e barnave, tek të moshuarit është e domosdoshme matja më e shpeshtë e tensionit arterial;
Paraqitja e kokëdhembjes, mundimit, marramendjes dhe dehidrimit, tharjes së gojës dhe lëkurës, janë shenja alarmante për të moshuarin, sidomos kur është i sëmurë dhe ka paaftësi funksionale; atëherë doemos i sëmuri geriatrik duhet të lajmërohet tek mjeku i tij familjar ose në qendrën më të afërt emergjente;
Anëtarët e familjes, miqtë, fqinjët dhe anëtarët e OJQ-ve të cilët kujdesen për të moshuarit gjatë muajve të nxehtë të verës duhet doemos më shpesh të kontaktojnë me të moshuarit, e në raste të paaftësive funksionale edhe disa herë gjatë ditës;
Në rast se del jashtë shtëpisë/banesës ku jeton, i moshuari duhet detyrimisht të bartë me vete të dhënat elementare, emrin dhe mbiemrin, vitin e lindjes, adresën e banimit, numrin e telefonit të personit kontaktues, i cili mund të kontaktohet lidhur me këtë person të moshuar;
Më e rëndësishmja është mirëmbajtja e higjienës personale dhe asaj të ambientit të të moshuarit, si dhe mbikëqyrja e përdorimit të barnave në mënyrë të rregullt;
Është i domosdoshëm aktiviteti fizik dhe psikik i të moshuarit, sidomos ecja e vazhdueshme në orët e para të mëngjesit ose në mbrëmje, qëndrimi sa më i gjatë në natyrë (park, shëtitore etj).
Nëse i moshuari ka vështirësi për të lëvizur për shkak të pamjaftueshmërive funksionale, atëherë duhet bërë ajrosjen shumëorëshe të hapësirave ku qëndron i moshuari.
E-Diaspora
-
Organizata e shqiptarëve nga Zvicra “Rinia e Palçishtit” dhuron 11 mijë franga për të prekurit nga tërmeti Mijëra euro kanë dhuruar si donacion deri më tani diaspora...
-
Shoqata “Grejkoci” nga Zvicra, 10.000 franga për të prekurit nga tërmeti
-
Agron Tufa tregon pse kërkoi azil politik në Zvicër
-
Letër emocionale e një vajze të vogël nga diaspora për fëmijët shqiptarë
-
Në Zvicër, klubi sportiv “Prishtina” organizoi takim solidariteti për të prekurit nga tërmeti
Jeta në Zvicër
-
Në këtë komunë të Zvicrës, të ardhurat mesatare janë 158.000 franga Në Freienbach SZ të ardhurat mesatare gjatë periudhës së përmendur janë rritur për 149 për qind....
-
Zvicër
Të gjithë kundër iniciativës së SVP-së për shfuqizimin e lëvizjes së lirë me BE-në
-
Gjatë nëntorit
“Rritet” shkalla e papunësisë në Zvicër: nga 2.2% në 2.3%
-
Strasburgu u jep të drejtë zviceranëve të mbajnë pushkë në shtëpi
-
Kush i kontrollon më shumë të dhënat, ku renditet Zvicra