Tenton të vetëdigjet para Parlamentit shqiptar

Një person 35-vjeçar ka tentuar të vetëdigjet para Paralamentit shqiptar. Policia shqiptare ka mbërritur menjëherë në vendngjarje dhe ka shpëtuar 35-vjeçarin e lyer me benzinë, ndërsa zjarrfikësit janë nisur drejt Parlamentit, raportojnë mediat shqiptare.

Personi që ka alarmuar sot Tiranën, nuk është emër i panjohur për policinë. Bëhet fjalë për shtetasin S. Zalli, 35-vjeçar nga Lezha, i cili vetëm tri javë më parë ngriti në këmbë policinë, pasi tentoi të hidhej nga vinçi në Tiranë, përcjell albinfo.ch.

Zalli u shpëtua nga policia, pas 60 minutash negociata për ta zbritur nga vinçi, ndërsa këtë mëngjes ai ka tentuar sërish t’i japë fund jetës.

Shkak për këtë akt vetëflijimi janë problemet familjare që ka 35-vjeçari, i cili është ndarë nga bashkëshortja. Ai pretendon se kjo e fundit nuk e lejon të takojë fëmijët e tij, pas divorcit.

https://web.facebook.com/Ora.News.RTV/videos/1134880146637106/