Lajme

Tentuan të vijnë në Zvicër me teste të rrejshme

Policia në vendkalimin kufitar në Aeroporti Ndërkombëtar në Shkup natën e kaluar ndaluan katër persona që jetonin në Zvicër për paraqitjen e testeve të rrejshme PCR, njoftoi Ministria e Brendshme e Maqedonisë, përcjell albinfo.ch.

“Natën e kaluar në orën 19:20 në Aeroporti Ndërkombëtar në Shkup, policët ndaluan S.S. (38) nga Kumanova, me vendbanim në Zvicër, E.DZ. (43) me vendbanim në Zvicër, M.R. (59) nga Zvicra dhe P.S. (45) nga Zvicra, për shkak dyshimit se ata kanë dorëzuar teste të rrejshme PCR, tha Ministria në një deklaratë, përcjell albinfo.ch.

Ministria përkatëse informon se është zhvilluar një bisedë me ta dhe është përcaktuar se testet janë blerë nga shoku i tyre me një çmim prej 30 eurosh. Personat u ndaluan për procedim të mëtejshëm.


LAJME INTERESANTE NGA INTERNETI