Kuriozitete
Tesla nën hetim, probleme me frenim
Në Shtetet e Bashkuara të Amerikës, organet qeveritare janë duke hetuar raportimet për frenimin e papritur të makinave Tesla në autostrada.
Për të ashtuquajturin “frenim fantazmë”, problemi është duke u shqyrtuar nga rregullatori amerikan, Administrata Kombëtare e Sigurisë së Trafikut në Autostrada (NHTSA).
BBC raporton se rregullatori ka marrë 354 ankesa në nëntë muajt e fundit dhe hetimi i saj do të mbulojë rreth 416 mijë automjete Tesla Model 3 dhe Model Y të viteve 2021-2022.
Sipas drejtuesve, problemi ndodh duke përdorur sistemin e ndihmës së shoferit të quajtur Autopilot.
Ky funksion i jep automjetit kontrollin mbi disa elementë të frenimit dhe drejtimit gjatë vozitjes. Por ai nuk është një zëvendësim për një shofer njerëzor.
Prandaj dhe Tesla i ka rekomanduar drejtuesit të qëndrojnë vigjilentë dhe të mbikëqyrin automjetin, duke vënë në dukje se sistemi Autopilot “nuk e bën automjetin autonom”.
Momentalisht, kompania ndodhet nën hetim nga NHTSA-ja për dy çështje të tjera.
Në dhjetor 2021, Tesla çaktivizoi funksionin Passenger Play që lejonte lojërat të luanin në ekranin me prekje teksa makina ishte në lëvizje, duke çuar në një hetim të hapur që mbulonte rreth 580 mijë automjete.
Kurse gushtin e kaluar, NHTSA-ja nisi të shqyrtojë rolin e sistemit Autopilot në 11 aksidente që përfshinin automjete emergjente, duke mbuluar rreth 765 mijë makina Tesla.
Nga ana tjetër, Zyra e Hetimit të Defekteve e NHTSA-së (ODI) ka filluar një “vlerësim paraprak” të Tesla-s mbi ankesat.
Ndryshe, kjo është faza përpara se agjencia të mund të lëshojë zyrtarisht një tërheqje të automjeteve.
Sipas zyrës, nuk ka pasur përplasje, të lënduar apo viktima si pasojë e incidenteve.
“Ankesat pretendojnë se teksa përdoren veçoritë ADAS, duke përfshirë kontrollin adaptiv të lundrimit, automjeti frenon papritur frenat e tij gjatë vozitjes me shpejtësi autostrade”, ka treguar raporti.
Gjithashtu ka nxjerrë se “ankuesit raportojnë se ngadalësimi i shpejtë mund të ndodhë pa paralajmërim, në mënyrë të rastësishme dhe shpesh në mënyrë të përsëritur në një cikël të vetëm drejtimi”.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Kaos në tunelin Gotthard: Shoferët sulmojnë aktivistët e klimës (VIDEO) Bllokim trafiku dhe skena kaotike janë evidentuar gjatë ditës së sotme para tunelit Gotthard. Statë simpatizues...
-
Zvicra po përballet me kritika për mungesën e ndihmës financiare për Ukrainën
-
Komiteti i parlamentit zviceran propozon trefishimin e taksave për studentët e huaj
-
Rrëshqitja e shkëmbinjve në Brienz: A ekziston një kërcënim?
-
Gotthard, mbi 20 kilometra bllokime trafiku