Të tjera
Thirrje për ndalimin e pjesëmarrjes së sportistëve rusë në Lojërat Olimpike

Kryeministrat e tri vendeve baltike i bënë thirrje Komitetit Olimpik Ndërkombëtar (IOC) që për shkak të luftës në Ukrainë të ndalojnë sportistët rusë dhe bjellorusë të marrin pjesë në Olimpiadën “Paris 2024”.
Kryeministrat e Estonisë, Lituanisë dhe Letonisë u takuan në kryeqytetin estonez, Tallin.
Kryeministrja e Lituanisë, Ingrida Simonyte, tha se në kuadër të bisedimeve krahas mbështetjes për Ukrainën diskutuan edhe për sigurinë e energjisë dhe Lojërat Olimpike që do të mbahen vitin e ardhshëm në Paris.
Kryeministrja e Estonisë, Kaja Kallas, vuri në dukje se sportistët rusë dhe bjellorusë nuk duhet të marrin pjesë në olimpiada. “Për mendimin tim, përpjekjet tona duhet të jenë që të bindim miqtë dhe aleatët tanë të tjerë se pjesëmarrja e atletëve rusë dhe bjellorusë është plotësisht e gabuar. Pra, bojkoti është hapi i mëpasshëm. Sipas meje njerëzit do ta kuptojnë përse është e nevojshme kjo”, tha ajo, përcjell albinfo.ch.
Ndërkohë edhe kryeministri i Letonisë, Krisjanis Karins, e cilësoi si një “lëvizje që duhet të dënohet në aspektin moral” lejimin e rusëve për të konkurruar në Lojërat Olimpike.
IOC në një deklaratë më 26 janar tha se “do të kërkohen mënyra” që rusët dhe bjellorusët të marrin pjesë si “sportistë neutralë” në Lojërat Olimpike Verore “Paris 2024”.
Federata e Atletikës së Ukrainës dënoi deklaratat e IOC. “Pjesëmarrja e sportistëve rusë dhe bjellorusë si atletë neutralë, veçanërisht në Lojërat Olimpike 2024, është një situatë që do të mbështesë luftën e pamëshirshme të shtetit rus për vazhdimin e luftës”, tha Federata e Ukrainës.
E-Diaspora
-
20 vjet shembull suksesi me kompaninë “ACL GROUP” në Zvicër Nisi me numër të vogël punëtorësh, tani ka qindra sish. Një shembull suksesi në sektorin e...
-
Nga Strellci i Deçanit, në Asamblenë e Komunës Horn të Austrisë
-
Cyrih: Debat mbi shpëtimin e hebrenjve në Shqipëri
-
Zgjedhjet 2023
Një alternativë, zvicerani Alex Pfister, kandidat për zgjedhjet nacionale më 22 tetor 2023
-
Fillim i mbarë i ordinancës së mjekut shqiptar “Gefässmedizin Winterthur»
Jeta në Zvicër
-
Akullnajat e Zvicrës po shkrihen me ritëm më të shpejtë se kurrë më parë Akullnajat e Zvicrës po shkrihen me një ritëm më të shpejtë se kurrë më parë, duke...
-
A do të thyejë edhe tetori rekordin e temperaturave?
-
20 vjet shembull suksesi me kompaninë “ACL GROUP” në Zvicër
-
Kantonet zvicerane rrisin ndihmën financiare për primet e sigurimit shëndetësor
-
A është e vërtetë që duhet të jesh i pasur për të marrë shtetësinë zvicerane?