Kultura

Tinguj kitare në Amfiteatrin e Durrësit

Amfiteatri i Durrësit do t’i mirëpresë qytetarët dhe vizitorët e shumtë më 15 gusht në Festivalin e kitarës.

Mircea Stefan Gogoncea nga Rumania dhe Arturo Castro Nogueras nga Meksika, dy virtuozë të kitarës klasike, do të luajnë pjesë të ndryshme të muzikës botërore duke i dhuruar publikut një mbrëmje të veçantë mes tingujve të kitarës dhe bukurive të amfiteatrit.

Dy virtuozët e kitarës klasike në turneun e tyre të koncerteve në Europë do të ndalojnë dhe në Tiranë më 16 gusht.

Përgjatë këtyre mbrëmjeve ata do sjellin për publikun nën tingujt e kitarës muzikë latine dhe nga Ballkani. Hyrja për vizitorët do jetë e lirë. /KultPlus.com