Shqipëria
Tragjedia në Shkodër: Gjendet trupi i djalit 3-vjeçar i familjes Arrazi
Dy ditë më parë është gjetur trupi i vajzës 9-vjeçare, Erigea, ndërsa dje u gjet trupi i vajzës tjetër, Gresi
Pas shumë kërkimesh, është gjetur edhe trupi i djalit 3-vjeçar i familjes Arrazi, Arditi, ndërsa kërkimet po vazhdojnë për trupin e nënës.
Lajmi u konfirmua nga drejtues të Agjencisë Kombëtare të Mbrojtjes Civile.
Trupi është gjetur në anën e malit, në afërsi të fshatit Zues. Disa kilometra larg trupit të vajzës që u gjet dje në Dajlan, shkruajnë mediat shqiptare, përcjell albinfo.ch.
Dy ditë më parë është gjetur trupi i vajzës 9-vjeçare, Erigea, ndërsa dje u gjet trupi i vajzës tjetër, Gresi. Së bashku me nënën, Alma Arrazi, ata dyshohet se janë vetëmbytur pas dhunës nga bashkëshorti i Almës dhe babai i tyre, Erdgys Arrazi.
Ky i fundit është vënë në pranga, i akuzuar si shkaktar për vetëvrasjen e tyre. Po ashtu forca të shumta polumbarësh, RENEA, FNSH, por edhe ushtria, po vijojnë kërkimet në ujërat e Bunës dhe Drinit për gjetjen e trupit të nënës.
Prefektja e Shkodrës, Majlinda Angoni, konfirmoi gjithashtu lajmin, ndërsa falënderoi të gjithë strukturat që po marrin pjesë në këtë operacion dhe banorët e fshatrave, që ndihmuan vullnetarisht.
“Gjej rastin të ngushëlloj familjarët për këtë tragjedi. Dua të falënderoj të gjitha strukturat pjesëmarrëse në këtë aksion, që 24/7 po bëjnë të mundur gjetjen sa më shpejt të viktimave. Dua të falënderoj edhe banorët e fshatrave, të cilët janë ofruar vullnetarisht për të bërë të mundur që ky aksion të përfundoj. Sapo morëm lajmin që u gjet edhe fëmija i vogël dhe shpresojmë që së shpejti të gjejmë edhe viktimën e fundit të kësaj tragjedie dhe operacioni do të mbyllet. Do të jemi këtu deri në gjetjen e turpit të nënës së fëmijëve”, tha prefektja.
Angoni u bëri gjithashtu thirrje grave që të denoncojnë dhunën dhe të mos heshtin. “Të gjithë vajzat dhe gratë duhet të denoncojnë dhunën në rastin më të parë, në të gjitha strukturat që ofrojnë ndihmë ndaj tyre”.
Të tjera nga Shqipëria
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
Jeta në Zvicër
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
300 zviceranë të bllokuar në Kaledoninë e Re pas shpërthimit të trazirave
-
Shtim i rasteve të sulmeve ndaj infermierëve në Zvicër